Tasting Room at Crown Hotel, Macau

7月28號晚到皇冠酒店的 Tasting Room 吃晚餐，以前同一地點的 Horizon 好食又底食，今次想訂位才發現已轉為另一西餐廳，叫得做 Tasting Room, 可能有番兩度，便試下。


先來的麵包都很香脆，Amouse Bouche 是一隻青口肉。佢地另一餐前小食是以一樽有海鮮味的醬查小多士和小撻。


頭盤我叫煎鵝肝，普普通通，入口熔化不油膩。


有朋叫煙三文魚配鱘魚子醬，佢說是很高級的煙三文魚，切成一條 finger sandwich 咁大條。


主菜我叫煎鱸魚，兩塊不算厚的肉連皮，皮焗脆，不錯，再高層的煑功是煎成舊厚肉而仍軟，皮脆，熱辣辣上桌才算最正。


有兩位朋友叫 slow cook 的鴨肉（for 兩位用），是慢火將肉慢慢焗幾個鐘，成舊攞到桌邊切，另有一小壷汁，啲肉有啲紅，但經理話 slow cook 是這樣，唔係唔熟。我食咗一舊，鴨味不濃。


甜品我叫朱古力味的 tarte，配橙味 sorbet，呢個就好夠古古力味。最犀利是有二小片畫了花的糖拌碟。


總結：裝修、服務已超米芝連一星，食品就仍未夠一星， menu 的選擇也不多，今期的 tasting menu 對我也沒有吸引力。

Clube Militar de Macau 澳門陸軍俱樂部

過去的週末與幾位朋友到澳門渡週末，主要也是食好嘢。


星期六中午到澳門後，直接往陸軍俱樂部 吃午餐，佢地週末午餐有自助餐和 a la carte ，幾位朋友都選用 buffet（$138，不包咖啡茶）， 我就覺 buffet 的選擇不多,平平無奇，就自行點 a la carte。


我先要一個葡式薯蓉菜湯（$38）普普通通。主菜我叫了一份燒乳豬，份量可能是四份一隻乳豬仔，皮厚而脆，肥膏不多，肉就無乜味，可能無醃過就燒。這還是我第一次吃澳門的葡式燒乳豬，也未幫趁過什麼 Fernando, 亞方素三世、葡國地帶等，無法比較，這裡一客燒乳豬才$158，算底食。


甜品我叫了水布甸配雪糕和一片好甜的糖餅。

呢間勝在裝修雅緻，食物、召呼算ok。

新景園咖喱小廚

午前有事到灣仔，之後就近在春園街的新景園咖喱小廚食午飯。我12點20分到仍有位，12點半就滿座要在門外排隊。


我今日不想食咖喱，所以叫了一碟時菜石班飯，$68。佢地各式咖喱飯約50-60元。


碟飯份量夠大，多菜也多魚塊，啲班塊炸過，應係鮮炸因為佢地仲有粟米石班飯，和咖喱石班飯，每日應有不少的流量，所以起碼唔係炸完放入冰箱再翻熱，只是獻汁太多。


我見佢地的咖喱乜飯、物飯，咖喱汁是一碗另上的，咁客人自己可以按需要淋飯或點食物。有機會再來試咖喱、炒貴刃等。

書展2012

近年已很怕到書展，因為看到某參展商的廣告，有本以四隻小貓作封面的書，無法抗拒去書展一敞。


卒之買到呢本「台灣這裡貓當家」，作者在台灣到處拍商舖養的貓，書內有很多很可愛而拍得自然的貓照片，附上小段說明。

當然一場身水身汗嚟到，入番十本八本書，花了成千蚊！最重量級是葡萄酒巨著 ＂The Sotheby's Wine Encyclopedia"，起碼重3公斤。
 

W's Entrecote

上週某天到 W's Entrecote 吃午餐，順便參加做會員，年費100，可免開瓶費或食物9折。


我叫set lunch, 麵包依然又熱又香又脆，頭盤沙律，一貫的平穩。


主菜又是招牌燒牛柳，我要7成熟，表面燒得香，切咗片，才淋上汁，也是保持水準。


個餐有每日固定甜品，不過可以半價叫menu內甜品，我就叫個 Opera餅，相當夠味而不太甜。


個餐包咖啡，九折後180，我覺得物有所值，而且環境不錯。

萬惡之源

無論是曾陰權、唐英年、梁振英、許仕仁、郭氏兄弟、牵涉隔離埠區文龍的大劉、羅傑承，以至麥齊光、曾景文出事，都與地產發展、買樓、僭建有關，樓確係香港地萬惡根源，新馬仔枝名曲，萬惡淫為首，依家改為"萬惡樓為首"。

七味

7月11日到呢間在銅鑼灣廣場一期一樓的七味和食屋吃午餐，該舖位以前係手打烏冬店，呢間七味開咗幾個月，我仲以為仍然是拉麵店，原來係居酒屋，中午就賣套餐，幾十蚊一個定食。


我叫了一個七味燒鷄定食，以本店名字來命名，此燒鷄應該係招牌食品，果然不錯，鷄皮燒得脆，再在上面洒一層七味粉，個沙律用柚子汁好味，連個味增湯也很認真煑，內有小蜆。


個餐$85 加一，算底食，可以多來，試下其他食物。

神探加賀之麒麟之翼

今早到 Elements 的Grand Cinema 看 神探加賀之麒麟之翼，我最喜愛看日本懸疑偵探片架喇。懸疑偵探片又常以死者死後，大家才發覺他生前的秘密，往往出人意表，在日本社會人與人保持距離，家人之間也缺乏溝通，大企業隱瞞過失，其實都幾寫實。我認為本片重心，由警探加賀點出：中學教師讓學生逃避責任，日後這幾個人遇到問題也只是逃避。又穿插死者的父子情和主角加賀的父子情。
男主角阿部寬，大約十年前還是在電視劇中做一些閒角，這幾年擔正，勝在有型，演技一般。
 

Classified Stanley

今日中午到赤柱的 Classified 吃午餐。


頭盤叫了份 Tomato and Red Onion Salad, 簡單而好味，尤其果幾舊蕃茄。


主菜是燒鷄半隻，講明話要半小時，週末的午餐等下無妨，睇報紙飲住 Rose 等。半隻鷄都算大份，燒得好香，之前可能用帶辣的料醃過，所以有啲辣，鷄胸肉厚，燒得熟透便鞋無汁。


Classified 的 menu 都是簡單嘢而煑得好。只是餐酒偏貴。

Alsace Wine Dinner 2012

昨晚與朋友參加 SOPEXA 主辦的 Alsace Wine Dinner，今次在鏞記六樓的 KEE Club 舉行，中菜西吃，長餐桌。

餐前小食三款，配Domaine Frey-Sohler 白汽酒, 啲泡很細很幼。連甜品共九道菜，餸菜都偏咸、味濃，唔知係主辦者要咁濃味定鏞記真係差咗咁多。


七種 Alsace 白餐酒中，最啱我口味的是 Domaine ZIND Humbrecht Riesling ，有小小花香、不甜，最啱食海鮮。


個所謂川椒鷄球，唔係潮州菜果種炒法，係酸辣，太 spicy，甜的 Guwurztraminer 也可配 spicy food 。

第8枝 的 Cave de Ribeauville Guwurztraminer，不甜不乾，比之前的 2 Guwurztraminer更啱我。