2010 米芝蓮香港、澳門

這個星期，新一版「2010 米芝蓮香港、澳門」 guide 出版。

我早排到 Petrus吃了一頓美味午餐，己經認為該店應值二星，呢次米芝蓮果然將佢地加到二星。目前兩間本港3星店我都未幫趁過，8間2星店中也有兩間 (明閣、唐宮)未吃過，九龍香宮也超過十年未去過咯。

另外我家人很常幫趁的北角利苑也得一星(上年只有另外2間利苑有星)，真係幾好食。



比較失望嘅係 Chef Patrick 仍未獲星。

央視廣告招標

果間蒙牛又試大燒銀紙買知名度。
大陸D名牌就是如此打造出來，大家認著呢D公司、牌子，千期唔好買。

灘萬

今午與朋友到 Island Shangri-La 的灘萬吃午餐。

我們都是叫個小懷石 set lunch。

先付物三小款，高身杯內是野菜加鰹魚，小件牛乳豆腐和二件鯖魚肉，魚比較暒。

跟住係蝦餅清湯、魚生 (擺得好靚、也好味)、煑物 (豆腐造得似琵琶豆腐、但咸咗D)、揚物 (都係菜、蓮藕片)、燒魚 (太乾)、飯 (內有鷄肉粒)。

可能抱住很高期望去食，沒甚驚喜。

政改諮詢方案 09版

今次的所謂政改「諮詢方案」都唔廢得晒，起碼又提醒我們現有制度的荒謬核心。

果D區議會委任議員們，本來就沒有權就任何區議會議案投票，佢地講到大仁大義、什麼服務地區等，好，咁委任你地入區議會沒有問題，你地可以開會、發言、公費旅遊，就係唔可以投票。

立法會功能組別議員都係，你地代表你地界到在立法會發言、辯論、質詢、監督政府，但不能就任何議案投票，因為你地不是市民選出來，沒有市民授權便不能投票表决議案。

堂記腸粉

昨日在信報副刋的這篇文，係講大角咀堂記，我今年去吃了三次，真係少D耐性都唔得。我次次都係帶一大叠報紙去等。

東來居

昨晚下班後突然想吃火煱，想起灣仔王子酒店的東來居近來超人氣，所以即管行去碰下運氣睇吓有無位。到埗，佢地雖然訂滿，但一人可座 Bar 也沒有限時要交枱限制，都好喇。

我點了清湯牛腩湯底，一碟手切本地肥牛，一碟牛胸油、一份草姑和菌姑。本地肥牛紅白分明，好味。最特別係呢碟牛胸油：經理介紹牛胸油係牛背骨邊的脂肪，最好係淥十零分鐘，好爽，用嚟夾舊牛肉食別有芝味。我淥1、2分鐘己經好爽口而絕不油利。下面有條用手机拍的淥牛胸油。

個清湯牛腩本身幾入味，今次更發現清湯牛腩餸日本清酒原來好夾。

食完肉再加一份西洋菜。

之後佢地仲送甜品 (佢地隔離西餐廳的餅和 flame bruree !!)及水菓。

佢地尚有很多特式食材，例如煑熟賴尿蝦雪凍拆肉作小食。我座 bar 枱也能看到兩個師傅切了幾盤象拔pong、蜆等。

佢地服務也相當好，少有令我很滿意很有良好印象的火煱店。當然價錢也令店方很滿意，埋單七百有找 (我叫了一支細清酒約二百)。

國家地質公園

上海宣佈起廸廸尼，中央就頒個安慰 獎俾香港，就係國家地質公園。

"國土資源部副部長汪民代表中央向香港政府頒發認證，為香港首個國家級旅遊景點揭開序幕。香港地質公園面積 50平方公里，由八個景區組成，集中在新界東北及西貢。各景區具備獨特的地質風貌，以西貢火山岩園區為例，該處的六角岩柱群由陸地延伸至深海園區以外，覆蓋超過 100平方公里，世界第一。"

唉果D田北俊之流，就跳出嚟話要將呢度發展做旅遊景點，仲有D話要嚟影婚紗照 (!)，景點旁整美食店等。
果D岩石千萬年前因火山爆發而伸出地面，可能不出二十年就俾港府和商人們玩殘。

Petrus

今午與朋友往 Island Shangri-La 的 Petrus 食午餐。

這裏無敵海景，裝飾一流，各waiter有禮兼靚仔，對菜式有充份認識。

我和朋友都叫三個course午餐，包一杯餐酒。

Starter 我叫鵝肝和鴿肉造的 terrine，鵝肝好味。朋友叫帶子，個汁好似係松露菌造的好香。

Main Course我叫燒豬扒，配係豬頭的骨髓 (marrow)，上面放6小片薯仔，幾有特色，豬扒燒得香加小量燒汁，好味，只是肉較瘦和乾。朋友叫燒cod也是又香又好味。

Dessert 我叫Milk Chocolate Cremeux with hazelnut and caramel, Tahiti Ice-cream, 賣相好而不太甜，朋友叫 Chestnut mellow square and Eglantine rose, pear sherbet，也很濃栗子味。

食完覺得這間本港著名法國餐廳，只被米芝蓮評為一星， under-rate 咗佢喎，如要比較 Petrus 呢個午餐味道只比 Amber 畧遜，其他都好D喎。

李純恩 : 一山還有一山高

2009年10月24日 - 李純恩 : 一山還有一山高

這天在外吃午飯，食客之間的話題，很多是在說當天《蘋果日報》的頭條新聞題目：「煲呔衰過老董」。
廣東話傳神起來，普通話遠遠不及。「煲呔衰過老董」這句話若譯成普通話，就是「煲呔比老董還差」，那就沒有廣東話那麼鏗鏘有力了。
食客們議論紛紛，數落煲呔的不是，言語之中，竟念起老董的好來。
「老董係固執啲，講嘢差啲，反應遲鈍啲，但係個人唔壞呀，唔係咁縮骨，佢能力有限，但真係睇得出想為香港做啲嘢，而唔係為自己做啲嘢。」
「係呀，搞到一鑊泡，係能力問題，心地唔差嘅。更加唔會一朝得志，語無倫次。」
「老實人嚟嘅，唔係咁滑頭。人哋本身係做老闆嘅，所以都唔會有打工仔心態。」
「當時睇佢唔順眼，話佢蠢，家睇吓，又唔係咁唔順眼噃，精仔又點呀！精仔笨起上嚟，仲醜樣過蠢仔啦！照家睇，老董唔算蠢，仲有啲憨直㖭！」
「係呀，起碼唔蠱蠱惑惑嘛！家真係有啲掛住佢。」
聽到最後一句，才知道現在情況有多糟糕，但這還不算最糟糕，最糟糕是，有朝一日，當煲呔的繼任人上台之後，香港人集體懷念起煲呔，那才真正趴街囉！

鱧 - 銀座小十 (2)

今日在公司向那位會日語的同事講番日遊見聞，果D酒店和食店都是他上網或打电話替我訂的。我問番佢，我在小十吃的魚，日文發音Hamo, 是否鱔？佢上網查到原來漢字叫鱧，是鰻的一種，所以我也把「銀座小十」文中的鱔更正為鱧。
http://kafuu.jp/hamo.kuwasiku.html

小周記 - 11月1日

外遊數天，回港後睇番報紙。有幾單特別新聞：
1. 明周寫亞蘇上志雲飯局：
古有 : 宋太祖杯酒釋兵權
今有：蘇黄飯局講出櫃

2. 政府攪六大產業，其中撥地俾私人開大學。
以前香港的大專是工廠，流水作業式生產高分低能畢業生，依家直情係超市。

3. 美國有飛機飛站！

4. 李兆基應該叫「88除22叔」