起錨

睇到爆軚曾做「起錨」show，其實係示範緊「屈膝」、「沉降」。曾班子的政治化妝越化越似豬扒。

Nino's Cozinha

早排知道船街的Nino’s Cozinha搬到QRE Plaza擴充營業，而且有Sunday Buffet。今日中午與朋友去試吓。

D嘢普普通通喇，燒乳豬果然好食，皮好脆，D肉有葡國香腸味，可能加咗D香腸去醃。葡式燒鴨就似中菜的香酥鴨。

「一人一組織行動」

蘋果日報報導：多個網民與 80後青年發起的「一人一組織行動」，昨日反轉政改公聽會，在公聽會上與親北京團體搶佔表達空間，並以「蛇宴同鄉會」、「媚共政客監察組」等組織為名，諷刺保皇派及發聲爭取真普選，反對政改爛方案。面對林瑞麟辯稱今次政改爛方案雖不是「全餐」，但亦屬可接受「常餐」，有 80後青年為衝到林瑞麟枱前送上狗糧「早餐」，高喊：「我唔知我哋食乜餐，但我肯定佢鍾意食呢餐，就係中共的狗糧，因為中共講乜佢就做乜！」

呢班80後幾有諗頭，我要响應成立下列組織：

林公公紀念堂
煲呔軟骨功體育會
維園亞伯粗口補習社
糖糖低B同學會
娘震嬰暗箭基金會
廿蚊張治喪委員會
高官無所事事博覽會
地產商傳媒大合唱團
高鐵利益輸選联席

據說大劉也要成立「富豪玩女權益大联盟」，出任召集人喎。

5-16感想

最近好忙，也要寫呢篇嘢。
我在5月16日有投票，是懷著反對今期政府的政改方案、反對保留全部功能組別的心情去公投。公投講出自己意見，綜合為大圍的意見，有乜唔好、有乜唔妥?
我對只有17%的合資格選民投票感到好失望，在一個文明社會，有乜嘢比不能掌握自己命運、不去嘗試掌握自己命運更悲哀？
D人唔去投票，說什麽沒有必要辭職再補選、花掉掉帑，講嚟講去都係俾共產黨睇死你地有樓炒、有股炒、 “個市旺”，你地就醉生夢死，等亞爺關照，相信(或自我吹眠)亞爺樣樣都係為香港好嘅，馬照跑舞照跳。5月16日之後大家當無嘢發生過，繼續炒樓、炒股、睇娱樂版、煲碟、搶包山、睇漂式。

對於社民聯，唔該你地自己反醒吓，D人隨了記得你地在立法會亂吠、擲蕉等，有無見過你地有發人深醒的發言？有無令尸位素餐的高官汗顏的質詢？投票率低，你他唔能夠只係賴其他泛民唔幫忙去吹谷D鐵票出嚟投票，加哂泛民D鐵票到34%投票率又點？你地有無感召到唔係泛民鐵票去理解、支持公投吖？

我寫於2007年10月的政改方案照舊。

燒魂族 – 無煙燒肉放題

見U Magazine 有張coupon ，嚟呢間新開舖食晚餐燒肉放題，原價$238/位，有Coupon 就$188/位。

坐下便硬性上三碟：一碟牛肉、牛舌，一碟豬肉、一碟蝦、帶子、魚、魷魚。食完先可再追加及其他食物。

D牛肉麻麻，蝦帶子就幾好味，追加的手羽(鷄翼)也無乜味。個爐係幾條發熱光管，話無煙但見場內另一邊好大煙。

總結：只合食肉獸，我就唔會再幫趁。

食魚翅唔環保

最近環保塔利班大力宣傳「食魚翅唔環保」，跟住就好多人响應飲讌不吃魚翅啦。

食魚翅唔環保 ? D人話魚伕剩係將鯊魚捕獲後切下鳍，將條死鯊魚掉番落海，咁就係唔環保喎！真係唔明其羅輯。

魚伕將條死鯊魚掉番落海，本身係一件好事，点解？死鯊魚掉番落海，D活生生的鯊魚便會食死的鯊魚肉，咁D鯊魚便食飽飽而唔會去食其他小魚，功德無量也。

稻菊

昨晚與朋友看完 The Glost Writer之後，到四季酒店的稻菊吃晚餐。稻菊的天扶羅一向很出名，我唔係記得清楚以前好似在尖東果間稻菊食過。
今次我地叫了一個天扶羅定食 (其實我係想叫天扶羅會席，女侍聽錯寫咗set)和一個海鮮鐵板燒會席，share 嚟食。
食材和煮功都平平無奇，以其價錢和名氣令我頗失望。

Carpaccio

在Megabox睇完早場，往ISquare 的Carpaccio 午歺。今天也是第一次到ISquare。

Carpaccio的裝修光猛、台椅擺設並不是高級餐廳的格局。

我頭盤選了Swordfish Carpaccio，配牛油果粒，幾特別，但魚無乜味。跟住係一客Bruschette，有三款toast上放小菇、蕃茄、水牛芝士，芝士和蕃茄幾好，但果D菇就無乜味。

我叫了一杯白酒，加餐後咖啡，加10%，埋單$363。都幾貴，俾多幾十蚊可以去洒店食自助 Brunch。

女神的報酬

今日復出，昨日想上網訂「女神的報酬」戲票，發現香港區無一間戲院做呢套戲，九龍區的戲院也一日衹有一、兩場，找來找去也只有九龍灣Megabox有早場較合我時間，所以今早便是本人第一次到訪Megabox。

套戲係日本富士电視台五十週年台慶紀念作，全片在意大利拍攝，意大利的海邊小鎮真係拍得好靚。故事就幾薄弱，做戲咁做。

本片以意大利名曲 Con Te Partiro (Time To Say Goodbye)為主題曲，Sarah Brightman並在片中客串演唱。