穴

今日中午到銅鑼灣京都廣場的穴吃午餐，佢地係中環穴藏同系日本料理店。
佢地有多種100元左右的午巿定食，較平的都是三文魚為主的定食。
我叫壽司定食（$118加一）。
上桌有壽司七件加吞拿魚手卷，份量很少。其中白身魚和帶子都很好，其他都麻麻，壽司的飯是凍的！過餐只有湯，沒有任何前菜，連加一收$130，唔底食，埋單想用卡，佢地要超過200才收卡！

 

大熱高湯麵

今晚得閒，都唔知食乜，搵下資料，去試下食家「大師姐」介紹的呢間「大熱高湯麵」。
裝修簡單的中式麪店，也有其他小吃。佢地有一個撈麪加高湯的套餐（$68），我叫套餐：薑蔥豬油渣撈麵和一碗香菇冬瓜粒高湯，另加小食紅燒牛腩。

薑蔥豬油渣撈麵，麵的咬口和本身味道並不太合我口味，有D豬油香味，但碗底已加了醋，讓客人與麵、薑蔥、豬油渣和醋撈埋食，但不是人人食麪都會落醋咁無文化。

香菇冬瓜粒高湯，湯底就真材實材煲好耐，好濃金華火腿味，正。其實做個湯飯仲好！

 紅燒牛腩好淋好夠味，唔錯。

總體算OK，不會特登再去，如剛巧在附近可以再食下其他湯麵。

 電話 : 2578 2808
地址 :   北角電氣道256號華凱大廈地下

霸王首席副執行官

今日偶然在蘋果日報財經版看到呢段新聞，都幾O咀，有個高管的職位叫「首席副執行官」！個職位的英文唔知點譯，叫 "chief vice CEO"?
更神奇係 「首席副執行官的職務將由首席執行官萬玉華接替。」，由頂頭上師接替離職的副手？
佢地個 organisation chart 唔知點劃？

 

 

+++++++++++++++++++++++++++++++++++++

「其他業務承諾」　霸王兩董事跳船
【本報訊】受「二噁烷」事件拖累，連續三年蝕錢的霸王（1338），昨日公佈有董事跳船，集團昨公佈執行董事兼首席副執行官沈小笛及非執行董事郭晶兩夫妻，共同因「其他業務承諾」辭去公司董事職位。
沈小笛於2008年加入霸王並擔任執行董事一職，主要負責執行集團策略計劃及日常營運管理。會計師出身的郭晶亦在同年加入霸王擔任非執行董事，兩人以「夫妻檔」身份在霸王董事會工作接近五年，於昨日雙雙辭去霸王董事職務。霸王表示，兩人與董事會並沒出現意見分歧。首席副執行官的職務將由首席執行官萬玉華接替。

銅鑼灣 翠亨邨

 翠亨邨在利舞臺22樓開了新店，新張期內每枱送一碟叉燒，今日同同事共三人去試下。
免費叉燒一碟，每人兩塊，有根好難趙。

 

 七彩班片腸粉，粉太薄，很易夾碎。

 

 其他的燒賣、蝦餃、鯪魚球、闊佬炒飯、炒莧菜都很一般。

 

 總結：很一般，用AE Card 有九折後以質量計仍貴。希望佢地D小菜能有中環翠亨邨的水準，佢地的蔥油鷄很好食。

甚八

 行去「家常便飯」吃午飯時常常經過呢間日本餐廳，今日「家常便飯」幾味餸都唔啱口味，所以過去甚八吃午餐定食，佢地午餐有八折，不收加一。
我叫一個鰻魚飯定食，折實$80，鰻魚幾好味而唔腥，只是份量畧少，湯和蒸蛋味道一般。
可以多D嚟食下其他午餐定食。

 

我的 Comfort Food

最近工作很多麻煩嘢，死好多細胞。上周末和這個周末，都去食D我喜歡的 comfort food。
上星期日去中環蘭芳園食鷄扒撈丁和凍鴛鴦。今星期六去上環永合隆食煎蛋牛肉煲仔飯，正。

 

Comfort food 可以很簡單而地道，場所必定不是賣裝修服務，食客都食得開心。

北方的金絲雀

最近看了兩套日本片，之前沒空到戲院看東京家族，竟然可在北京回香港的國泰機上看了，是探討老人和日本社會問題，沒有想像中好看。

5月17日佛誕假期，下午去看新上畫的「北方的金絲雀」，是東映六十周年紀念作，由日本國寶級女星吉永小百合主演，日本片一向說故事能力高，加上在北海道取景，雪地景色優美。
故事倒敘二十年前，女主角在小島教小學，因發生的傷心事離開，小學生之間的恩怨，纏繞各人，變成鬱結，加上各自的感情挫折，通過女主角二十年後回訪小島，最後當然以很感人們結局解開。
人一生中總有些鬱結，有的可能終生抱憾，也可能有些幸運者，一生都沒有碰上遺憾，或者放得下而不變成解不開的心結。

The Press Room - French May GourMay 2013

約了朋友兩公婆，5月15號晚到上環 The Press Room 食法國五月的第二餐，該店也是有GourMay 套餐，可以配 wine pairing，佢地 wine list 一向有很多很好的選擇，只畧嫌貴。呢次單吃六道菜的套餐收約500，配4杯 Burgundy 區餐酒加250。其中Jura 區的 rose 汽酒 、Montelie 1er Cru 2009紅酒、和最後的酒甜酒都非常好，果杯白酒麻麻地。

頭盤有三款：炸火腿肉丸、羊奶芝士無花果、碎呑拿魚肉，後者最好食。

 跟住沙律，普普通通。

 跟住的龍蝦就幾好味。

 

 

 之後煎鵝肝好夠味，畧為油膩咗少少。

之後燒牛仔肉就好嫩滑兼無渣，非常好。

 

 

 甜品係朱古力心太軟配檸檬味 sorbet, 個心太軟算夠味而不太甜。

 總結：幾好的一餐，不過除咗D酒係布根地酒，D菜式無乜布根地特式喎。

英超領隊

上星期曼聯費格遜宣佈季後退休，兩日後球會宣佈由愛華頓的莫耶斯接任領隊，這個人選啱我心水，最怕曼聯會搵摩連奴呢種人做費格遜接班人。

我年青時曾在曼徹斯特上學，果個年代曼聯和曼城都是甲組中下遊球隊，但我都很喜歡佢地常常能撃敗強隊。當時利物浦是班霸，近十幾年末落，尤其是賓尼迪斯做領隊果幾年，攪彎哂。

至於曼城近五年由於中東油王收購了球隊，大洒金錢收購球員，由文仙尼做領隊呢三年，買入很多奇型怪狀的球員，紀律又差，我文仙尼在場邊著急的舉止像個小丑，我呢三年對曼城很反感，卒之昨晚曼城宣佈解顧文仙尼，真想不到聯賽仲有兩場佢都埋唔到尾，費蛇主理曼聯26年，同巿曼城領隊如走馬燈，換咗十幾個人！反而近十年莫耶斯主理的愛華頓贏得我的支持。


雖然我不喜歡摩連奴的作風，但下季如果由佢主理修爾斯（依家一般叫「車路士」），應該可以攞各大聯賽和杯賽冠軍。

Agnes B le pain Grille - French May 2013, Gourmay

每年的 French May 又開始喇，今年的 食品 focus 係 Burgendy 的飲食，先收集了幾間法國餐廳的特別 GourMay Menu 。5月4日第一彈係與朋友到IFC 的Agnes B le pain Grille 吃晚餐。
我們都係叫四道菜的GourMay Menu。
頭盤係蛋和火腿沙律，蛋是全烚熟的蛋、不是剛熟或半熟的 poached egg，無乜特別，沙律幾好味。

 然後係 escargort cream soup，湯上面有D泡很香，湯夠熱夠味，湯中的田螺肉和菌菇就無乜味。

 主菜可以揀煎鱈魚或燒牛肉，我和朋友都要燒牛肉，佢地以煙肉包住條狀的肉去燒，切成餅狀上碟，每人四舊，肉太乾，要靠點伴碟的燒汁食，麻麻地。

 甜品我要 cheese platter ，普普通通，朋友叫紅酒煑䔧，佢話太硬，似乎麻麻地。

 總結，呢餐唔算貴，但食物有D失望。

壽司処今村

一直未有到過逸園中心的“壽司処今村”吃過，4月30日約朋友去吃午餐。

同其他同樓的日本料理店一樣，樓面面積小，主要是壽司吧台，和小桌數張，午餐時由兩師傅在吧台後主理。

中午的菜單選擇不多，收費不便宜，我和朋友都叫自選壽司十貫，$240，食材質量和味道都很好。

其中的拖羅滑而不算太肥，有肉紋而無渣，正合我心水。較特別是以「柱子」做的軍艦壽司，柱子是帶子連著殼果舊有D爽的肉。

其他的𩶘魚、帶子、甜蝦、海膽、鐵火卷等都幾好，一分錢一分貨。

個蒸蛋裏便有幾片百合，幾特別。湯用魚骨、魚頭煑，有D腥但不咸。

跟銅鑼灣其他較出名的樓上壽司店比較，佢比新湖舟、千里之月畧好，比天膳好一級，壽司廣有D跌 watt，希望晚餐能保持水準，一門就越來越差，質和量都大跌。