京都旅遊書藉( 二）

唔記post 埋呢本去年在京都偶然買到的「京都人氣食店」，雖然係日文，但圖文並茂。

昨天的 U Magazine 有「京都8大名宿」，但不及台灣人 Milly 寫的京都書中介紹的特式泊宿咁正。

京都旅遊書藉

正如火如荼地計劃九月尾的京都假期。

佳文魚生店

最近分別有朋友和親戚推薦此店，話老闆兼大廚雖然會鬧人，但D嘢好食兼抵食，所以約朋友來試下。
我們都是按大廚推介的是日精品，也沒有預設價錢，全交大廚發辨。

先來白身魚刺身，跟著赤貝、帶子、大蜆、大拖羅壽司、海膽薵司、熟蝦壽司、煑蠔、炒北寄貝、蜆湯、煑牛肉。全部都好，尤其赤貝、帶子、蠔和牛肉。如果話有乜不滿：最初幾種嚟得太快，好似吃得好趕，大拖羅切得太厚或雪得太耐，入口有D硬。

上述咁多食物加上兩小瓶清酒，共收$1790，我認為合理，價錢全部花在食物上，可以再來。

Brunch @ Blue Butcher

繼續大吃大喝，8月25日與朋友到荷李活道108號的 Blue Butcher 吃 Sunday Brunch，佢地是酒店以外的人氣 Brunch 。

坐下後我要加錢的 Free Flow Prosecco ，侍應拿了樽氣酒來倒給我，我見到個瓶的招紙是英文的，便攞來看，原來是一指澳洲的氣酒，侍應話佢地老細話呢枝就係Prosecco，佢再去問下，卒之攞枝Prosecco 來開給我們。

據地有約十款自助頭盤，主菜五揀一，甜品三揀一。

頭盤中的蝦和生蠔都無味，但其他的各款菜和沙律、現場煎鵝肝都好好食。最特別有一個是把一種好紅色的西瓜（如無記錯係西班牙的西瓜）切成一舊舊立方型，約2吋長、濶、高，好爽好爽，上面舖薄的 Parma Ham，沈咗小小芝士， ham 包住西瓜食，好食又特別。

西瓜+Parma Ham+小小芝士

主菜我叫燒鷄，朋友叫牛肉漢堡飽，兩樣都幾好食。

甜品三種都不吸引，我求其叫朱古力蛋糕，很一般。

總結：沒有意向再來吃 Brunch，生蠔太差，Prosecco最初唔對辨，唯一特別係有2個歌手現場唱英文歌。

北京 Opera Bambana

8月21號晚到位於芳草地商場的Opera Bambana 吃晚餐，這是一個新的大 Mall，此店由香港的三星名廚 Bambana 主理，剛五月才開。香港的 8 et 1/2 好難訂位，我旁晚才電話來呢間 Opera，也能有位。
餐廳裝修新穎明亮，七點入內，有八成滿，外國人、本地人，最觸目係有位青年女客穿露背晚裝與其男伴撐枱腳。

我嘅然嚟到，便點 Tasting Menu 加 wine pairing 試下。
先上的麪包外脆內軟，熱辣辣，好食

Amuse Bouse 是一個 melon 凍湯，麻麻。


第一道菜是 lobster salad ，把肉和菜壓成一個蛋咁樣，旁邊是甜甜地的啫哩，D材料味道唔夾，我不喜歡。

第二道是紐西蘭 scampi，呢個蝦就炒得香，加上濃蝦味的泡泡，好好食。

第三道是香腸、菌菇炒粗意粉，ok好。



第四道菜是「鈀金九級牛肉」，可惜燒得過籠。
甜品是 lemon cappuccino, 唔太酸，幾好。

總結，以食物來計，是 over-priced 兼沒有驚喜。

北京居酒屋 ：萬火

8月19日出差到北京，行前上網搜尋下有乜好嘢食，見 TimeOut Beijing 選的年度最佳餐廳之一，是一間居酒屋，中文叫「萬火」，而且就在我住的酒店附近，所以打電話去訂定位。
佢個位置幾騎呢，行到去也找不到，要打電話問佢地，竟然係在一個牙科疹所的招牌轉入小路內的一間小屋，若果唔係 TimeOut 佳選，真係以為係黑店。
外面殘舊，入便另有一番天地。裝修相當西式，有吧台和長餐枱，主理人是日本人頗年青，本地人伙記也全部是年青而有禮好招呼，入坐後向店員說這裡很難找，他笑著說食品一定令你滿意的，好。

佢地好多清酒、燒酌、也有紅、白酒及其他烈酒。我一個人，只好叫啤酒，佢地有部機可以在啤酒上攪出像雪糕的一大層泡，我驚攪肚，都係叫一般生啤。

佢地主打是串燒，也有多種下酒的冷菜和熱食。
我叫的冷菜係：冷豆腐，豆腐上面舖咗一層蔥碎、黑椒和畧有一點油，非常和味。青瓜配麵豉醬，一般。

串燒（每樣10-20元人記）：鷄肝一般，燒蒜頭幾好。鷄翼相當正，15蚊人民幣2只呀，平到笑。最特別係燒山藥，山藥切成片燒完揸上汁加wasabi，然後放在一片紫菜上，夾著食，好好味，山藥又夠爽！

燒牛肉最貴啦，55元，但比較靭。

燒飯團有幾種，我叫了柚子鱈魚子味，太咸。

總結：確係有特式的居酒屋，大部份人客都是下了班的日本人，飲酒吹水，氣氛幾好，食物不錯但每樣醬汁都偏咸。招呼不錯，是一個新發現。

地址：麥子店街8號北側平房（近農展北路）。
電話：010-65085517

鯉魚門食海鮮

8月17日晚，與朋友到鯉魚門食海鮮，本來我地想訂黃油蟹，但卒之只有有膏的奄仔蟹。

我與同事去過龍騰海鮮酒家很多次，也在對面海鮮檔買海鮮，水準和價錢很可靠，今次也同樣幫趁。

我帶咗枝 Alsace 的 Rose 氣酒，餸海鮮很好。

先來白灼蝦，很一般。跟住蒸蟶子，超好。蒸鮑魚，也很淋。

主角，奄仔蟹，好多膏，每隻只收$190，真係唔算貴，但D膏唔夠味。

之後加一碟椒鹽豆腐，算ok。


總計，唔貴但唔係特別好，可以話有少少失望，因為要務膽固醇超標之險，總係希望特別夠蟹膏味。