海老の髭

不斷有新開的日本料理店，上星期五與朋友往銅鑼灣 Time Square 後面 Franck Muller果座新大廈的 "海老の髭" 試下，該店是來自新瀉的居酒屋。



我地先叫了一份刺身，不錯。

之後叫了一條鹽燒喉黑，是新瀉的特產魚，好多油，味普通。佐酒還可。

本來叫了燒車海老和燒露筍，但來了蝦和露筍天婦羅！經理話幫我地造過，我地話唔使了。

既然佢地來自新瀉，當然要試下佢地D飯，我地叫咗一煲飯，配一碟漬物（包括明太子），和一壷湯可以造茶漬飯。米飯是幾好，尤其加湯吃。漬物無一樣合我口味。

總結：食物一般，但服務差，侍應唔熟悉食物，唔收碟、唔換碟，落錯單。我唔會再幫趁。

一宝

這家大阪的天婦羅名店，幾個月前來香港開分店，很多報紙、雜誌都有介紹，但因為吧枱只有八個座位，和一張坐四人的小桌，很難訂位。卒之3月14晚能和朋友兩夫婦去吃晚餐。

我和朋友都叫1500元的 Omakase, 朋友太太叫份量較少的900元套餐。

在吧台除了我們三人，其他五人都是日本人，大廚後來也說他們的客多數是日本人。吧台客人都差不多是七時入席，除了我朋友太太，都是叫Omakase。但其他客人都是點香檳、紅、白酒，只我們三人叫清酒。

套餐有兩前菜，大廚開始開油鑊、調炸漿，炸漿似乎是用蛋加水造的。每份食材是先前準備好的，不是一般日本的天婦羅般在客人面洗切。關西天婦羅所用的油，據說與關西的不同。

天婦羅第一道是蝦，之後一隻紫蘇葉包去炸的蝦都不錯，之後有魚、厚魷魚、鰻魚、帶子、菇、銀杏、海膽、白飯魚等。鰻魚炸好還加上少少汁和蔥粒，好好味呀。

之後大廚拿出一舊舊像小菠蘿的淺綠色物體炸給日本客吃，佢問我們要不要試下，係春天才有的，我地梗係話要試，佢個港人助手哥哥解釋話呢個東西日本漢字叫「蕗」，味道有D似苦瓜但有D甘甘地，食入口果然特別，佢地話日本很多冷門的季節食材，但不知香港人是否接受，很多日本料理店都不敢入貨。我覺得真正日本來的廚師，能引入特別地道食材是賣點。

甜品是柚子造的 sorbet ，好味，伴碟的小件水菓則一般。

總結，食物、廚師功力都好，比在香港吃過的天婦羅都好，食物僅熟入口香、軟，招呼更是一流。佢地牆上掛著一幅油畫，是一個日本婦女玩三弦，畫功細緻。大廚話幅畫有85年歷史，可以放入博物館的！咁佢地已經超過米芝蓮一星喇喎。