慘痛新聞

昨日AM730有呢段新聞 :

近期新書

昨晚去書市逛咗個半鐘，只買咗3本書。

MISO

昨夜與2朋友到Jardin House 地庫的 Miso 食晚餐，佢地話呢度鐵板燒好食，可惜定位時定唔到對住鐵板燒師傅的位，雖然坐吧台但只能見師傅的背脊。

呢度有兩個鐵板燒套餐，一個係大鮑魚，另一套餐係龍蝦，朋友有AE卡優惠， 3人收66%，但不能用於套餐，只能用於 a la Carte，所以我们散叫。

先一來一客雜錦魚生，然後燒牛舌、燒牛肉。魚生新鮮，燒物普通，牛舌確係幾林。之後一客鐵板凡立貝 (好暒)、一客鐵板蠔 (好濃蠔味，正)。

之後一分雜錦壽司，不錯，己經幾飽，然後蟹粥，己無乜食慾。

揾次要試吓個鮑魚套餐。

炎夏 之 二游二食

近年香港的夏天唔係黄雨就係酷熱警告。 今年都未有機會到泰国游水，趁呢幾日勁好天，就到香港的海灘，如水質乾淨就游吓水。

七月一日無打算去遊行，早上去了南灣游水，我都幾年未嚟過南灣海灘，呢度因為無巴士小巴到，車位少，所以一向唔多人，嚟呢度嘅人一係住附近的expat，或坐的士來的泳客。呢度無乜浪，但與其他香港南區其他海灘一樣，水有D黃而有陣味，還好水面和岸邊沒有垃圾。

游完水坐的士到鴨脷洲市政街市，以前看劉健威的專欄多次提過到這裏買了海鮮攞去熟食中心的食檔煑來吃，所以一直想嚟試吓。我買了兩只澳门掩仔蟹 ($100)、四只鮑魚仔 ($50)，攞去其中一間熟食中心的食檔煑，佢地來料加工每款收$25。我就叫佢地兩味都係蒸。果四只鮑魚仔幾好味，亦不小，在一般酒樓可能要50蚊隻。很住係蟹，佢地用金屬籠蒸，完隻好似大閘蟹咁蒸，但係佢地只係剪開D咸水草但全放在蟹身上蒸，大家諗吓用大量咸水草蒸蟹係乜嘢味！搣第一只蟹都有D糕算好，搣第二只裹面成灘水、係咸水草味嘅水！草草吃完。

今早去石澳游水，難得無浪又無垃圾，水質不是一級清都算好。泳罷回家冲涼換衫，去灣仔的「信得過」食豬內贓。呢間「信得過」個老板以前開咗間「靠得住」賣粥，我以前也介紹過，佢最近賣咗「靠得住」俾太興，依家專做呢間「信得過」，以各種豬內贓為主打，也是標榜無味精。我叫了一碟白汋豬潤豬腰双併，兩樣都爽但無乜味，另家一碟芥蘭，一碗度庭烏冬，普普通通，埋單$102，不算便宜。以後試吓第D豬雜，但呢D嘢都係不能多吃。