Principal

這間在星街開業不久的摩登西班牙餐廳，一直未有機會來品嘗。據說呢間 Principlal 係 Classified 和 Press Room 同集團，老闆的媽媽以前在附近的一間學校做校長，所以老闆叫呢間餐廳做Principlal，作紀念。

10月28日，約了朋友來吃著名的 Sunday Brunch，佢地的 Brunch 是一個N道菜的 fix menu, 香檳、多款餐酒（唔係南半球 cheap wines，其中有一隻匈牙利的 Tokija白餐酒好啱我口味)、菓汁任飲。

我早到，看著經理手切aged 18月的西班牙 Iberico Ham 。

話名 brunch，第一道菜便是 Yogart，因為我不吃 yogart ，佢地臨時多整一杯沒有yogart 的yogart給我，只有雜果和上面脆脆的東西。

跟著用一個木盒上 "Queso-Embutidos" cold cut 和 cheese ，又好睇又好食，尤其D腸和火腿，不太咸而帶點油脂。

跟著是三個自家制罐頭！近年西班牙tapas 大熱，早排在 Travel & Living Channel有一集 Anthony Bourdain 介紹西班牙美食，也是到著名Tapas Bar 食特式罐頭。

左面是蜆肉，粒粒都肥肥圓圓，但蜆未不濃，中間是香菇，菇味極濃，呢個正，右面是anchovies魚仔，汁帶酸減魚腥味。

跟著叫做 Cehiche的，是三個玻璃缻各有涼伴海鮮，三種酸酸地的做法，侍應說是學自秘魯（還是智利？）左邊是蝦肉混鮮蕃茄粒，汁畧帶甜酸並加外D香草，好有泰菜口味，值得說D蕃茄好新鮮，切成大粒又不會攪散變蕃茄醬。中間是椰子肉伴生呑拿魚肉粒，D呑拿魚肉就普普通通。右邊是帶子是另一種甜酸汁。 三款都用不同的甜酸汁，個廚師用菓汁的心思和成效好得。

最後一set前菜是叫 Frituras的炸物，左邊是露筍天婦羅、比正宗日式天婦羅索多咗油，中間是炸魚球，幾好食有魚味，右邊是炸鷄肉球，唔覺得有鷄肉或鷄味、只覺很滯可能因為有芝士。

食到呢度已經幾飽，跟著就係主菜，可以五揀一，都不是大魚大肉。我揀慢煑的蛋在60 度左右煑成好似溫泉蛋咁，傍邊的汁上審咗D黑松露菌末，伴碟有乾菇和某種豆，好好食呀、松露又好夠味。朋友揀的主菜是bacon ，最底係厚多士，放兩片煙肉，上面放一舊 bacon ice-cream。伴碟還有兩舊仔炸香蕉，朋友也是說好。

之後是甜品，好睇但都是很甜，我地都沒有食哂。

總結：很有驚喜的一頓午餐，廚師很有心思，招呼超級好，近年在香港食得最滿意的一餐，我可以大力推薦，希望以後再來也不會走樣。


呢度招呼，上上下下都很主動，很友善，由打電話訂位時已有好印象，不是大部份高級餐廳的通病，由操怪口音英文的外勞、很急很粗魯地講完便收線，問多句都唔得。