吟彩

8月23日與朋友去灣仔交加里的吟彩吃晚餐。呢間林建岳投資的日本料理，大約年多前開業時，首任日藉主廚長於京懷石，並供應香港較少的日式蒸籠菜式，我都未有機會去吃過。但最近又來了新的日藉主廚，他們仍保留了懷石套餐，日式蒸籠菜式，也有各種 a la carte。

我和朋友都叫懷石套餐，佢地D酒，比其他日本料理店貴起碼三、四成。

連小食也沒有，第一道菜便來了。海膽伴蟹湯做的啫哩，入面仲有幾粒豆和蘋果肉，本來好好味，但上面果D魚子醬非常腥，全完破壤了成個食物。

第一道菜一收碟，第二道菜便馬上來了，懷石料理是這樣吃的嗎。我叫唔好上菜咁急。

第二道是刺身，吃得出是高質材料。

跟著係燒鮑魚，味道不錯，但外觀不良。

牛肉卷，無乜味、無特式。

蟹肉伴白麻醬，好食。

龍蝦肉天婦羅幾好，伴碟係蟹膏。

我地都未起筷吃龍蝦肉，最後個冷麵就上桌，雖然我叫咗唔好上菜咁急，但最後也係咁，攪到成枱都係嘢，明顯幾個部份各自把早已造好的東西出菜，侍應也不理照上。有D侍應隨便嗡個菜名便放下行開，有D只把碟放下便行開，酒樓傳菜亞嬸咩？


最後的甜品，綠茶軟雪糕，就非常好吃。

總結：食物不錯，服務像新光。