Casa Lisboa

因為工作忙碌、也提不起勁，很多個月沒有寫文，趁年尾前有空復寫。

12月25日與朋友往中環的葡萄牙餐廳Casa Lisboa 吃晚餐，試下佢地的特色葡萄牙海鮮盤。

 

 先點了海鮮盤，女侍應說要等約20分鐘因為需要準備，所以先叫了個燒辣腸作小食。

女侍推來車仔，有隻豬仔型的燒烤架，串住條腸，加火酒點火燒一陣，息了火切成片上桌。腸太多油，味道ok。

 之後海鮮盤來了，從左上角說起： spider crab 肉撈了蛋粒和 mayonniase 醬，很難吃。兩隻大紅蝦，有膏又好味。兩種中蝦和蝦仔，中蝦是用蒜容炒或焗很好味但略太咸，蝦仔無味但很多籽，籽也是無味的。最後係一堆狗爪螺，大概是用水煑畧為過，久聞其名，但吃不到味道。這盤海鮮有點失望。個盤海鮮包一枝白酒，麻麻地。

 

 

 之後叫了一份燒乳豬，好香皮好脆，肉質比較粗，唔似我地食開的港式燒乳豬，我地叫的一枝葡萄牙 Duoro 區紅酒就很啱配燒烤食品。

 然後係木糠布甸，幾好，可以及得上澳門的

。

 吃甜品時，女侍應送來每人一小杯砵酒，而我們在wine list 中看到有白的砵酒 （port blanco) ，問女侍應，她又去給我們一小杯試下，好清甜喎，咁我話想買一枝帶走（300元），她一問之下，才知只有一枝存貨就是剛開了給我們試的這枝，我便買埋。

 

 總結，食物一般，服務很好，很多葡萄牙酒，蘭桂坊中心地帶計，酒和食物（除了海鮮盤）都不貴。