行會新成員

昨日特首宣佈委任五個行政會議成員，除了胡紅玉，其他幾個都難令人信服。

委任劉皇發真係笑死人，分明要落自由黨的面，鄉議局是百幾年前英國人因應新界租約而攪出來的特權怪胎，鄉議局和原居民D丁權97年後本應取消，依家反而(起碼表面上) 被重用。

劉遵義是中大校長，大學校長本來不應走入政圈，英國人自港大黄麗松開始常委任港大校長入行政局，依家大學校長不但要籌款又要做埋政治寄生蟲。劉遵義在中大做得麻麻地，尋晚中大速速宣佈佢做多年半就退休。


葉維義在記者會上誇談以其金融風暴經驗協助香港，咁佢做海域集團非執行董事，當公司爆煲時佢辭任 (即跳船) ，咁係咪由佢來教D問責局長有乜事拍吓羅油走咗去？

楊敏德係紡織業大享楊元龍個女，50-60年代發蹟的紡織業大享有邊個唔係靠紡織品 quota發達，內裏有無官商勾結？楊元龍曾是大馬主，曾用錢收買半個馬圈意圖操控賽果，被法庭定罪、卻以患末期癌症為理由獲法庭放走，足足活多20年呀！楊敏德的管理理念 (從其招聘廣告看) 似乎係用人用到盡、像部機器。

點解唔請大摩入行會呀？佢枝笛咁勁。

下次講吓行會中人，誰是下任特首。