Sodeyama

喉隆發炎，息影咗成個多星期，上星期六復出。

約了朋友往 Sodeyama 吃午餐，這是「湖舟」的老闆袖山新開的一間食店，佢以前在太古城附近開的「袖山」我有幫趁過，沒有印象只係記得好貴，「湖舟」近兩年就食得多，次次都滿意，魚生和壽司都極佳，這次再用自己的名字開店，應該有信心。

此店隨了魚生、壽司，也有各式燒物、天婦羅、火煱等。我点了一客蟹肉飯便當 (HKD300)，一攞到嚟眼前一亮，擺得好靚，右上角的魚生中包括幾片鮑魚 (!)、中拖羅。左上角是小沙律，幾片燒牛肉 (七成熟、好林、幾好味)，右下角是凍温泉蛋 (好靚)，左便個蟹肉飯D蟹肉就鮮甜到無輪，另外個炖蛋也很好味應該是用很濃的湯加蛋蒸成。

朋友叫了特上壽司set(HKD250)，有前菜、壽司10本、手卷2本、炖蛋。朋友先說明不吃海胆，女侍說會告訴師傅換魚子壽司，但攞到嚟仍有一件海胆壽司，佢亦主動補送一件中拖羅壽司，可惜有幾件魚生片色澤有D暗啞，沒有「湖舟」咁好。

餐包一個甜品，口感似好軟的chesse cake， 加舊yohart。

他們餐牌中有各種 lunch set，$150起。最特別係火煱 (牛肉或鷄肉) 二人前及四人前，自己寫明〝自信推介〞咁巴闭！第次試吓。佢地好似也有D Contemporary Japanese 菜式。

初次來便食到個咁正嘅蟹肉飯便當，但朋友的壽司不算特別好，人客坐滿仍只有兩個女侍應，我只能給一粒星。希望以後再吃能升星呢 。