東來居

昨晚下班後突然想吃火煱，想起灣仔王子酒店的東來居近來超人氣，所以即管行去碰下運氣睇吓有無位。到埗，佢地雖然訂滿，但一人可座 Bar 也沒有限時要交枱限制，都好喇。

我點了清湯牛腩湯底，一碟手切本地肥牛，一碟牛胸油、一份草姑和菌姑。本地肥牛紅白分明，好味。最特別係呢碟牛胸油：經理介紹牛胸油係牛背骨邊的脂肪，最好係淥十零分鐘，好爽，用嚟夾舊牛肉食別有芝味。我淥1、2分鐘己經好爽口而絕不油利。下面有條用手机拍的淥牛胸油。

個清湯牛腩本身幾入味，今次更發現清湯牛腩餸日本清酒原來好夾。

食完肉再加一份西洋菜。

之後佢地仲送甜品 (佢地隔離西餐廳的餅和 flame bruree !!)及水菓。

佢地尚有很多特式食材，例如煑熟賴尿蝦雪凍拆肉作小食。我座 bar 枱也能看到兩個師傅切了幾盤象拔pong、蜆等。

佢地服務也相當好，少有令我很滿意很有良好印象的火煱店。當然價錢也令店方很滿意，埋單七百有找 (我叫了一支細清酒約二百)。