煇

早前看雜誌和蘋果介紹，公司附近新開的懷石料理店「煇」，便選這裏為同事慶祝生日。蘋果話佢地午巿有4百幾的6度菜懷石料理套餐，其實仲有一個2百幾的的懷石料理套餐，另有六種午巿套餐，約$140起。
我地一場嚟到梗係叫4百幾果個餐食下。場內有些日本男上班族是叫午巿套餐的，其他客也很多是叫4百幾果個餐。
我地坐吧枱，可以看年青主廚做菜，切魚生，擺設食物等。
先上前菜：一份伴野菌, 上面三文魚卵，味淡唔䗌。一份生蠔，蠔好好味，上面係湯汁做的啫哩。賣相也美觀。
跟著是帶子浸在濃湯中，帶子極度好味。
然後是刺身：牡丹虾一隻，白身魚和toro各兩片，也不錯。
然後是腐皮上面加日本海膽。海膽味不夠濃。
跟著係主菜，有四歀可揀，同事叫三式焼物（2魚1蝦），我就叫天婦羅。都是普通。
跟著是主食，釜蒸飯上加畧炸的魚，好好食。個釜飯是2人份量，有4碗，我地都食唔哂。
甜品有用䔁子蓉加 mousse, home made chocolate cake，都好好食。個女經理話䔁子係日本嚟，當造，好大粒的。
總結：嘢幾好食，前菜尤其好睇好食，算物有所值，質素當然還不能與日本本國的高級懷石店比。


地址：恩平道享利中心2樓
電話：28080292