Bouchon Bistro Francais

這間蘇豪的法國菜小店，開咗很久我仍未有機會幫趁過，8月18日與朋友來吃晚餐。

佢地的坐位都是高腳椅，亦像法國的 bistro 一樣，枱擺得密。

我們先叫半份煎鵝肝、半份田鷄腿作頭盤。煎鵝肝不錯但肝味不夠濃，田鷄腿半份有六隻，size 幾大，無我們吃的中式田鷄肉味，用了大量的 garlic和香草，啲油有啲怪怪地味，我們都不喜歡這味田鷄腿。

主菜我們也是叫兩樣野 share, 青口夠大粒、夠青口味，是近年在香港食到最靚的青口，以前中環差館旁果條長斜路邊果間比利時餐廳一直有好青口，可惜執咗二、三年。

另一主菜係布根地式燘牛面珠肉，肉質似牛腩，個汁幾好味應係用肉、骨煲濃湯然後煑成醬汁去燘牛肉。

最後叫一份小的芝士盤，有 Camerbert, Combe和 Blue Cheese。個blue cheese 唔濃味，很啱我們口味。

總結：正正經經的傳統法國 bistro 菜，只是服務麻麻，我們未食完的食物仍在碟上，問都唔問就收碟。