三聖邨食海鮮@興記

今日中午和一班食友共到屯門三聖邨食海鮮，先到海鮮檔買海鮮，再到興記加工。興記和附近幾間海鮮加工酒家，據說都由屋邨東姑亭大牌檔發展改裝而成。

我們六個大人、四個少年，買咗近二千蚊海鮮，包括一條虎班（$450）清蒸、醃仔蟹四隻鹽焗、龍蝦四隻（上湯伊麵）、東風螺（白灼）、貴妃蚌（粉絲蒸），蟶子（豉椒炒）、一份海鮮滾湯。

條魚肉厚而興記蒸得剛剛好，蚌也是。龍蝦伊麵D麵就索唔到龍蝦味。豉椒炒蟶子超級好味。海鮮全部新鮮，煑功也很好。

在興記再加椒鹽鮮魷和一隻燒鵝，都唔錯。