東京 08年6月1日

回港幾日又要出差一週到日本，我都幾鍾意去日本遊食，但想起由到成田機場、入境、坐特快火車 Narita Express入東京、再轉往酒店，閒閒地攪成日。像今日坐早上9点20分從香港起飛、下午2 点半到成田，破紀錄20分鐘已經攞埋行李往坐火車，但太早也要等，因為直達我今晚住的品川的火車要開3点45分，到了酒店 check in已經5時多。
我去年來東京因為買下午較平機票，到了成田辨了入境手贖，已經10 点半，最後一班 Narita Express 都開咗，唯有坐慢車到東京站再坐的士往酒店，因為過了午夜的士加收「三割增」，即加30%，肉赤加肉赤，以後都唔敢咁夜到東京啦。

今晚到新宿西口一丁目的「荣壽司」，可能星期日而我到店已經 8点幾 (次次都在新宿駅行錯出口) 客人不多，我入门時服務員嬸嬸說 ：….x y z *…last order…..，我唔理咁多照坐看圖叫壽司 set，食完未飽再叫2件，嬸嬸又面有難色地說 ：….x y z *…last order….x y z *…last order..！但也照幫我落單，我叫了一小瓶清酒，埋單才Y2572，算底食。

明日在東京有公務meetings，晚上轉往橫濱，星期二三四在橫滨的酒店內開會，我以前都未去過橫滨，只知有條中華街，我對日式中華料理、中華拉麫都無興趣。