Robuchon a Galera

4月9日晚上到葡京的 Robuchon a Galera食dinner，在攞到Michelin 三星之前好似無咁旺架喎，香港假期通常都唔滿座的。我今次提前兩天想訂4月10日lunch 或dinner，都全滿，只有訂4月9日。此店我已幫趁很多次，每次都極之滿意，真係我食過而以裝飾、服務、食味等合計，很值得。在香港同系的L’atelier de Joel Robuchon也是我的至愛，但服務仍以澳門這家畧勝。

但今次他們的 dinner a la carte 的選擇就不多，而且貴咗，好似想迫人食tasting menu咁。





































































先來的餐前敬菜已經好豪，是一小盒(都直徑超過三吋架)內放三層東西：面層是魚子醬、中層是seafood jelly、底層是crab meat，我其實唔鍾意食魚子醬，下面兩層都幾好味。
















Starter 我叫了一份Les Crustaces ，是三款蝦蟹：從左上角的蟹肉食起，D汁有D spicy但蟹肉仍很鮮味，應該係完隻大蟹腳拆肉再用上湯煨過。第二款是炸蝦卷，在香港果間都食過，脆而唔多油，唔錯。第三款是湯內放一粒蝦丸加冬姑絲和香草、芫荽絲，呢款我就唔識欣賞。


















主菜我叫煎牛仔肉，燈燈燈dun，個waitress推架車仔來到桌旁，一大塊牛肉夠我食三餐囉，佢切下切下得番5小件，汁好好味、肉好嫩，正正。







食得好飽，心裡盤算食唔食甜品之際，個傳菜哥哥攞咗個玻璃製品出來，放在我桌傍邊，我未及反應，個waitress己提起個玻璃壺到我面前，我看到有三枝嘢在壺三面的洞內、壺內有D閃閃地的細細粒嘢，佢話係送的甜品，果三枝係雪條 (三種味的脆皮雪條嚟架!!) ，叫我抽出黎放在小碟上然後慢慢食，我掛住開心而唔記得在她提起個玻璃壺時映番張相！



























這次體會到Michelin 三星店除了食味、裝修、服務外，仲會食到忘我境界嘅呢，厲害厲害。