流浮山歡樂海鮮酒家

早前約好咗朋友，今日傍晚由元朗坐小巴往流浮山，本來諗住先食海鮮作early dinner，然後到下白泥影日落，但今日個天滿佈煙霞 (即係毒霧) ，也去得遲咗，乜都睇唔到好失敗。
講番海鮮晚餐，我們叫了 :
白桌九節蝦 : 好鮮味
酥炸美國生蠔 : 個酥皮很似芋角，蠔都ok
炒黃金蟹 ：即係以咸蛋炒畧走油的蟹，太咸
蝦膏炒通菜 ：太咸
招牌炒飯：飯炒得一般，只是以一些蟹子蒲在表面，好睇唔好食。

之前在店外的水族箱內 （別的店也是）看到很多賴尿蝦、蝦等都訓咗覺。呢餐在歡樂吃完覺得名大於實，煑的功夫都可以。我以前去過兩次的游龍海鮮酒家煑海鮮較傳統、火候掌握得很好，更合我口味。