誰來守護我

偶然在報紙看到有套戲叫「誰來守護我」，到yahoo.com.hk查吓，D comments都係好喎，嘿！得Palace APM和影藝中心兩間做，weekdays每日得2、3場。

今日特意早D收工，過海去 APM睇 5.30pm，因為唔知會唔會突然落畫。今日只係做中午12点半和下午5点半，有幾多人 weekdays 可以日頭去睇戲？又得兩間戲院做！個發行商真係發瘟。

套戲真係幾好睇，日本電影的講故事能力一向好得，本片從兇手家屬要面對突變、由警探帶出另案受害人家人如何冶療傷痛，加入現代社會的傳媒、網上討論區的陰暗面 。