澳門 –林記燒烤

星期六晚回港前，去試吓呢間也是亞蘇節目內介紹過的食店。地址 :黑沙環新街海濱花園第8座，電話 : 28453615。我沒有訂位(一個人想在旺店訂位通常都係話無位的)，在6点一開門就去到，果然全埸訂滿。老細話可以有細枱但7点一定要食完還枱。

我本來想食蟹，佢地有星加波胡椒蟹，但當晚最細的蟹1斤10両，可能食唔哂，所以改為吃燒牛肉，佢地菜牌上第一味係加拿大牛頸扒，MOP250一磅，女侍應話牛頸肉好林的，所以我就叫嚟試吓。牛肉真係好林，但扒的表面燒得香D會好味D。

另外叫了一碟馬拉盞炒通菜，係想同昨晚華軒美食果碟比較吓。呢處的炒通菜太多水，炒菜最考功夫的就是炒菜時菜會一路出水，掌握唔到火候便好似呢碟菜咁多水 ，係都不好將D水不埋上碟吖！

我也叫了一份川酒煮花螺，D螺唔大唔細，剛剛好，咁先至食到螺肉味。講味道係好過南丫島天虹，但個辣汁都係遠不如始創辣酒煮花螺的大佛口食坊。

總結：算不錯，食材豐富和新鮮，以後可以再來試吓其他食物。