上海「雅克紅房子」，Maison Pourcel

這星期出差到上海，試了幾間新食店。
早排看信報張建雄的文章，介紹最近上海的西餐新貌。佢話之前外灘果間高級法國餐廳Sens & Bund 己經收檔，主理人 Pourcel 孖生兄弟最近在世博法國館樓上開餐廳，也在以前的紅房子餐廳開了店，去世博就米攪，我就去紅房子試吓。

我在80年代曾去著名的上海紅房子吃過滬式法國餐，食物和內裡狀况已無印象，只記得果間真係紅紅地色的獨立小屋。現在同地改建了8層高的樓，6樓和8樓都是Maison Pourcel餐廳，中文叫「雅克紅房子」，6樓供應酒和小食，8樓是高級餐廳。

8樓裝修、座位都優良，兼且3面落地大玻璃，外面有一小balcony，附近沒有超高樓，景觀不錯可以看到對岸浦東金融區石屎森林。

佢地有3 course 的set dinner和8 course的tasting menu，都不合我口味，我都係 a la carte。




頭盤我點了 La Carpaccio de pied de porc，好有層次，一片薄薄的炸麵包下面是切碎的Artichoke和其它菜的 mixed salad，菜和汁都好味，最底層係幾塊薄薄的豬蹄，外觀似熏蹄，兩隻燒蝦好香而味道一般。



在menu中頭盤的中文全名：豬蹄薄片、新鮮朝鮮薊沙律、大蝦串配南部風味調料。



主菜我叫煎鱸魚 Le filet de bar grille a la plancha fine tarte de crepe aux noix, jus de rote, emulsion de promme de terre，後者就係包圍舊魚的成碟薯仔酱，魚和薯仔酱都唔好味。主菜的中文全名：香煎鱸魚菲力，牛肝菌核桃撻和馬鈴薯泥牛肉汁




個炸薯條球像大件的「芋蝦」好難造好好味，個tart一般。









甜品我叫了他們專為世博造的French Pavilions ，一件方型蛋糕仿造法國館，另一舊雪糕，雪糕好味。

餐廳招呼麻麻，最斃係有一枱本地人(唔係潮人、海歸個種) 不段大聲講手机，我旁邊一枱有條細路不断走、跳、叫，D餐廳員工全部當無嘢，可能習以為常。