天方夜譚

因為工作很忙，斷片差不多半年，尤其沒有講時事。

警務處處長曾偉雄居然話：在麗港城阻擋記者攝影鏡頭的便衣警員當時見到黑影，不知是記者。真係天方夜譚。按這羅輯，好彩警方廣設「保安區」唔俾記者接近，唔係成班黑影飄埋嚟，攞AK47掃你地都有份。

港大百年校慶變咗擦鞋鬧劇，大學是社會的縮影，社會尤其是政商介都在「公公化」。自從大學校長主耍工作是籌款，有乜辨法唔向權貴獻媚？上任中文校長劉遵義便像一個肩客，最後撈咗個中投公司什麽董事長來做，又繼續做行政會議成員。尤德時代開始找大學校長做行政局議員，於是大學校長漸漸都從政，真是「成也英国，敗也英国」，二三線大學校長都撈個政協做吓。