慈居酒屋 (Ofukuro)

星期一（5月14日）晚想約朋友到尖沙咀的居酒屋，上綱搵料，發現呢間叫慈的居酒屋不錯，便訂位去試下。



寶勒巷10號是一間較新的商廈，呢間在三樓全層的居酒屋其實不大，大慨有六丶七張細枱，和一間小個室。有一個魚生丶壽司小櫃台，不是有坐位的壽司吧。主理的老板娘是日本人，看來年紀不輕。


我地先叫了冷豆腐、日本蕃茄。日本蕃茄比較小型，也不夠味。


然後點個松刺身（最貴果種），一盤刺身嚟到，睇下都己經知新鮮好食，果幾種魚都好鮮好滑，包括較少吃到的劍魚。牡丹蝦丶赤貝也好，海膽就少咗啲，每刺身都有三件。這盤刺身要六百幾蚊，但我可以說在香港吃到算很高水準，物有所值。


然後嚟兩隻豉汁燒蠔，都ok。


然後串燒牛舌：每片大咗啲，畧肥。手羽先：肉好味，畧燒耐啲等啲皮和肉乾身啲會好啲。

總結：魚生很好（一分錢一分貨），其他算ok，招呼很好，可以再來試下第d 食物。