TOSCA

6月2日下午，與朋友往看 Picasso 的畫展，晚上到 Ritz Carlton 頂樓的 TOSCA 吃意大利菜。



到酒店門口剛日落時份，向西看日落有D靚。

餐廳裝修摩登，客人可以從半開放式廚房看到廚師煑菜。雖然佢地有五道菜的 tasting menu，好似不太吸引，我們都係叫 a la carte。


佢地 D 麪包好香好好食，我地好似食咗兩盤。

先來的 Amuse Bouch 一件煎帶子，正，另一舊白色的東西是芝士做的 mouse ，咸咸地幾開胃。

頭盤我地叫兩樣 share : 牛肉 capaccio ，牛肉是一整片打扁，夠味，上面三款味的 Mouse ，反為不知味。地中海海鮮沙律，不錯。兩樣都有很好賣相。

我想試下佢地的 pasta ,就叫一個大蝦意粉 share ，蝦爽味濃，伙計話佢地廚師係來自意國南部，煑意粉係偏軔，都幾啱我。

之後係主菜啦，朋友叫西班牙豬柳，厚切而燒得香，裏便仍有點 juicy ，好食，我的鱸魚就很一般。

甜品朋友叫 tiramisu ,我就叫咗一個四款的甜品，最特別係右下角果舊白色的檸檬味東西，由廚師把一舊似 cream 的東西放入液化氮中急凍成脆脆地。左面兩款朱古力餅也好夠味。

總結：服務和環境一流，食味就不算特別出色。價錢有一半是海景和裝修。