得龍大飯店

11月10日夜，與朋友共八人到新蒲崗的得龍大飯店吃晚飯，提前幾星期訂了位，但openrice 上很多人都話訂咗位準時人齊都要等位，所以我提早近半小時到，幸好有空桌，可以馬上入座，慢慢等齊人。

預早訂了著名金錢鷄8件、鴨腳包、古法太爺鷄半隻、一窩豬肺湯。人齊後再現場點津白、砵酒焗桶蠔、椒盐魷魚豆腐、籠仔蝦糯米飯。

佢地唔收開瓶費，我帶了一枝香檳、一枝2009 Burgundy 、朋友帶了一枝2009 Pessac-Leognan，兩枝紅酒都頗宜配中式肉類菜式。

點了菜不久就一下上哂枱，唔知食得邊樣，也難以配合餐酒，只好先飲香檳、再飲 Burgundy 然後 Bordeaux。


先食金錢鷄，近年很多名店做番金錢鷄，但都不是我小時候燒臘店果種原味，呢處算 ok, 但蜜汁太多「痴立立」。

鴨腳包好特別，是以鴨腳的皮包（或卷）幾種肉、肥膏、燒肉、肝等成為一卷然後再厚切上碟，好似法國佬的 Terrine，幾好食但卷內食物各顧各，有D鬆散。

砵酒焗桶蠔，蠔味係好濃，賣相古怪但好味。

古法太爺鷄，鷄皮有D煙燻味好香，鷄肉嫩，好好味。

籠仔蝦糯米飯，本來點菜時要籠仔蟹膏糯米飯，但嚟到蟹變咗蝦，糯米飯乾身啱我口味，蝦就無乜味。椒盐魷魚豆腐，普普通通。

食完未夠飽，加多個羊腩煲，普普通通。

總結：服務一般，坐位不算舒適。食味不錯，焗蠔和太爺鷄極好味。