京都 安久

以前看過有人在報紙介紹過，今次一個多月前經酒店訂了4月16日晚餐。這是一間米芝蓮二星料理店，好細間，得6個坐位，對住 open kitchen , 1個主廚、1個副廚、2個助手、4個爐頭。除了我，當晚的客人都是日本人。

第一道菜是一種菜伴傑麻醬，一般。

第二道菜有兩樣嘢：一件燒鰻魚壽司、一件大蜆天婦羅，都好吃，以帶傳統料理的東西開始。


第三道是煑熟的筍放入海苔湯內，筍有少少筍味，亦少少爽，算ok。

跟著是龍蝦仔肉，半生熟伴個帶有少少芥辣的汁，汁內可能有D咸的籽或海膽，成件好睇又非常非常好食。

第五樣係白飯魚，魚身比香港通常食到的較粗，咬落有D spongee 。

第六樣是鯛魚的白子，一般。

跟著是燒赤鯥，肉質介乎鱸魚和鰻魚之間，但白淨和不腥，有用過少少 miso 做的醬醃過先燒，好食。

跟著的鯛魚肉切小塊，帶鱗放入鍋內，出來是皮脆肉軟，後來我問主廚，原來鍋內用油畧炸，我作了個驚奇的表情（因為舊魚入口全不覺有油），佢成個鍋攞俾我睇，以証明是油炸！可惜個汁是畧甜酸。

跟著是燒和牛，乾咗D，也不錯。

最後是燒三文魚飯，幾好食。

總結，主要食材是海產，用不同的方法做，好有心機做，主、副廚年青，用有限的英語和圖書向我介紹食材和做法，米芝蓮二星當之無愧，食物和態度都極佳，呢餐我很滿意。