奇幻逆緣

尋晚去看奇幻逆緣。

睇之前 : 此片在blog界和友儕間都極為讚賞，所以我己抱有期望打醒精神入場看9点半場。

睇的過程：真係好特別，好多造人哲理，記都記唔哂！其實本片除了化裝、电腦特技，配樂、攝影、剪接都極好。有幾幕拍得好靚，例如海邊看日出、日落，揚帆出海。海戰一幕子彈橫飛，(我在太古城UA睇、音响效果不算一流) ，感覺到子彈 fe-er 到埋身。

睇後感：我諗這套片唔同人有唔同感受，同一人在不同年紀看也會有不同感受。
主角Benjamin Button〝幼年〞不用返學、讀書、考試，仲在妓院碰到老豆。十幾歲便往外闖，要去看世界，隨心而行，唔使憂柴憂米，盡情生活，中年回鄉，不用營營役役、過着悠閒日子，女友來了便過着神仙似的日子，直至女兒出世前後他才面對 “以後點呢？” 的苦惱，卒之選擇離開以便以後兩母女能過正常日子，上天也能如他所願。
Benjamin Button寫給女兒的一段說話都係講要 “活在當下” ，我相信能活在當下的人是有福的。全片畫龍點睛之處，係那個比雷公Pack 咗7次的老人說 : God has not stopped reminding me how lucky I am.
我又點呢？一個人去看電影是否活在當下？還是沒有選擇的選擇？