醉駕害人

昨晚坐的士回家時，與司機談話 ，簡略地記下:
司機 ：依家晚間街上Ｄ車少咗好多。
火木 ：哦？
司機 ：D人自動自覺咗，諗住出來會飲酒便不揸車出嚟，所以夜晚街上車少咗。
火木 ：咁都好。
司機：我都係醉駕受害人，落車時被從後撞上嚟個醉駕撞到飛起，達落攔干再達落地，個頭撞到變豬頭，左後肩骨裂咗，依家時時痛，扭大D軚都唔得，去做物理治療都無用，訓都訓唔到，隻手都笫唔起，都唔想做物理治療啦，或者轉做針灸
火木 ：哦，你唔好停物理治療呀。你休息咗幾耐？
司機：我07年6月出事，休息咗半年先揸番車，依家每星期都係揸4、5晚，都係唔想揸啦。
火木 ：你唔好停物理治療呀。
司機：可能撞親個頭所以時時唔記得嘢，醫生話有D細胞死咗無辨法....

我一直非常唔明，酒後駕駛點解法例咁輕，政府唔通怕無人買車和交牌費？佢地等於揸住件殺人利器周街隊。我認為酒後駕駛導致他人重傷、死亡，除了最少坐監五年，一定要終身釘牌。尤其係職業司機酒後駕駛，等於唔重視其職業，自己放棄在馬路上揾食的權利！一定要終身釘牌。其他專業例如醫生、律師、工程師、差人，等等，有乜行差踏錯隨時釘牌。