無招牌辣蟹

今晚無無聊聊，去百德新街的無招牌辣蟹吃蟹。
佢地餐牌中並沒有我最愛的黑椒炒蟹，此種做法星加坡的珍寶做得頂頂好食，是坡記唯一令我念念不忘的東西。
咁我叫白胡椒炒蟹食，一隻據說是施里蘭卡大蟹 （個樣唔似嘅？），28 両，$19 /両。連加一差不多六百。
炒出來熱棘棘，好香，味道一般，可能天氣凍所以隻蟹食咗一半（我食得好快㗎）已經覺得凍哂。
有兩個現象可以佐証呢間係正牌坡式食店：佢地用大玻璃㗎啡壷冲茶（坡人最多呢種九唔答八嘢），佢地店內有大電視不過唔係開俾你地電視劇撈飯，而係不斷放佢地食店的宣傳片。
總結，以其價錢食味，不及喜記果種避風塘蟹店，無乜興趣再幫趁，如果坡記的珍寶嚟香港開店就真係正囉！