個 menu 有六款酒 ： 三紅二白配五道菜，最後係紅的 dessert wine 配甜品。每道酒菜前由佢地的 wine director 介紹酒區、葡萄、酒庒等。
第一道係肥鵝肝，有啲蘇，未必人人喜歡。配的白酒也不特別。
第二道菜 Quenelles 係地道里昂菜，以濃湯加蛋白（我估係咁）蒸成好似我地蒸蛋的一舊嘢。配的ChateauNeuf-du-Pape 的白酒就頂好，有種好輕的感覺，不甜不乾，我認為可以配很多不濃味的食物。 CDP 的紅酒飲得多，白酒才首次見識，唔錯唔錯。呢枝酒在該店零售賣$940！
第三道菜係魚，又係一般，配的Condrieu 白酒就香到無倫，我未飲過咁好花香的葡萄酒喎，after taste 仲 好 smooth 。後來再請教對葡萄酒很有硏究的同事，佢也話 condrieu 區白酒用的葡萄叫Viognier, 出名好有花香。呢枝酒在該店也賣$970。
第四道係羊肉，第五道係牛肉，配的紅酒也ok。
第六道係雜錦甜品三款，配用 gamay 醸的甜紅酒就麻麻，我一向食甜品都唔喜歡配 dessert wine 的。
總結： 每位收費 $680 算合理，每款酒其實都有 refill， 不是限飮一杯。
原來 Press Room 都有賣生蠔等海鮮的，唔••••••
沒有留言:
發佈留言