有洞無門 惡奴欺主

1月6日蘋果添馬男引述蔣匡文講新政府總部，惡奴欺主，真過癮。
有洞無門 ：我記得有次同一個對風水玄學有硏究的朋友遊船河，經過貝沙灣，佢話座大廈中間穿個大洞，洞上面的單位風水㥛不好，西九凱旋門也是這樣。

+++++++++++++++++++++++++++++++++++++++++++++++++++++++++

門常開，細菌來，搞到人人自危，議員冇乜常識，葉劉話怕獨女變孤兒，真係夠白癡。我估記者在壹傳媒大樓水箱抽樣本化驗，可能都有菌。乜都假，出入總部最緊要精神好，身體健康，百毒不侵。家好多馬後炮批評外形設計，係典型香港人善忘症。 Rocco設計早已公開，有晒 Model畀人睇。又係當人白癡。
至於風水，就真係冇人睇過，早前我睇過風水建築師蔣匡文評添馬，佢並非馬後炮，因為文章早在 8月發表。佢有 3點分析好有趣：
首先是「為客左右」格，因添馬乃填海地，以前是軍艦船塢，填海在風水上稱為客土，並非本來血脈，血氣不足。填海乃淫濕之地，陰有利工商交易，不利陽氣重的政府工作，所以客土利女不利男。而主政者身處客土，為客左右，政令無力，民眾難歸心。
究竟乜嘢客人會左右施政，係來自西環、北京、定係 DAB，佢就冇講明，但大家應該收到。報載添馬連手機通訊也被旁邊解放軍總部干擾左右，記者用手機上載或下載煩到爆，又算唔算為客左右呢？而淫濕之地滋生細菌也合情理。
其次是「惡奴欺主」格，門常開東西翼主樓乃公務員辦公所在，高低比例不對稱，似隻大手力壓下邊特首辦及立法會大樓，蔣氏評之為「惡奴欺主」格，尤以特首辦縮於巨型建築之下，有失氣勢。小弟早已明言，政務官集團乃真正之執政黨，有自己一套價值信念，煲呔尚且未可完全駕馭，下任唐唐相信只能行黃老之術，任由政務官主理。
第三點叫做「有洞無門」格，門常開其實只是中間有個大窿，蔣氏評為似洞非門、有洞無門，身處其中低層吉、高層凶。這又難怪局長高層寫字樓被退伍軍人菌進駐，而驗出有菌之辦公室，其主人局長更被視為下屆離職熱門。
陽形雕塑可平衡陰氣
總之門常開風水格局欠佳，要補鑊豈止清洗水管廁所洗手盤，蔣氏建議要平衡陰氣，應在門常開中間置一座特大陽形的雕塑。小弟才疏學淺，只能望文生義，最具陽氣應是陽具造型。環顧香港現成最似之物，應是金紫荊廣場上那碌回歸紀念碑，頭部更有光射出，陽氣鼎盛之極。
但要將此物搬遷，應由哪部門負責呢，風水法科呢家嘢，冇理由又係林鄭孭飛。
添馬男