Fofo by el Willy

4月20日，與朋友到中環的Fofo by el Willy吃晚餐。這間西班牙餐廳，已經開了幾年，較近年遍地開花的西班牙餐廳早來香港，我以前去過同系的上海店(果次只叫黑毛豬火腿），香港呢間仲未嚟過。

室內裝修清雅，坐於近窗的餐桌則較暗，開於商業大廈內，樓底低，坐滿客人便很嘈雜。

先來Slow cooked octopus 沙律，上面舖咗D火腿，普普通通。

我叫鵝肝做的pate ，無味！吃後只覺好膩。朋友的小片煎鵝肝，也沒有肝味，還好下面有D撈咗白松露汁的薯粒。

跟著係燒乳豬，唔知正唔正宗，皮脆但唔係深色或紅色，這味算ok。

跟著係燒黑毛豬的豬頸肉，一片片肉燒得乾而無味，淋上大量燒醬汁，呢道菜太差！

總結：很失望，唔知正宗西班牙菜係咪咁樣，仰或我地唔識叫。新版西班牙菜的 Principal 和 BCN 好吃很多。