避風塘興記

外遊前已約定朋友，在3月30日晚到佐敦的避風塘興記吃海鮮。朋友以前去過，記得賴尿蝦好食，我未去過，只看過蘇絲黃強力推薦，也聽聞佢地出名串和招呼差。

我地訂六點，一定要人齊才可入座，我們準六點前到，剛開舖。入座時個位主理人姐姐已經話請我地七點三還枱。

我地叫三款小食：粉腸、魷魚仔、韮菜花。粉腸一般，魷魚仔係土魷，以蔴油涼伴，幾仔。韮菜花也很爽。

上湯浸蜆，份量算底食，蜆沒有沙，也無乜味。

一人一碗著名燒鸭河粉，鵝肉很夠味，但應該都係味精之功。

一人一隻椒鹽賴尿蝦，我地叫有膏的，上桌確有膏，D膏也不是西貢及一般海鮮店果種實而無味，火候也比西貢好，呢味果然幾得。

總結：可能預咗招呼差，便不覺差，食材和煑功不錯，可能長期煑果十樣嘢。呢餐兩人共吃了一千元，我覺得是賴尿蝦貴少少。