厲家菜

上週 TVB「日日有食神」介紹北京食店食物，其中有一段是介紹厲家菜。
我80年代已常出差到北京，食過幾次所謂宮庭讌，非常不好吃，直至90年代中期古鎮煌在其專欄中大讃這家叫厲家菜的，所以我有一次趁要接待幾個幾 friend的老外同事，便託北京同事打聽、訂了一桌察番餐。

這是名乎其實的住家菜，在羊坊胡同厲善麟老先生的家裡，每天只開兩三桌，客人必先訂位，但不能點菜，當天厲家買到甚麽菜肉作主菜便煑甚麽給客人吃。若沒有記錯，厲家菜在90年代中期己是收700人民幣一位，當時700人民幣可以四個人在外資酒店吃得幾好的了。

厲善麟本人是一位退休教授，好像本來是個數學教授。退休數學教授怎會煑宮庭菜？

每道菜厲老都來用唔咸唔淡的英文介紹菜式及其典故。原來厲家祖上是在宮庭裡做御前侍衛 (但今次「日日有食神」話係內務府大臣)，專職在御厨房「及住」D御厨煮餸，煮好後，皇帝未食由佢食先，佢食唔死先輪到皇帝食，咁樣自然識煮識食，並把煮法記下回家煮來食，食譜便可傳下來。

我好記得有一味甜酸骨，我本來不吃酸嘢，但他們煮甜酸骨是以山渣造成很好味的汁，而當天的骨是一條條好幼的ribs，正到卑。其中一個老外話 : 老友你害死我地啦，食完今餐，以後怎能吃倫敦唐人街的sweet and sour pork 呀！

今集「日日有食神」也有一味切碎的菜混入蝦子，青豆容混入帶子，及多種小碟。我在厲家吃了兩次，每次都有類似小碟但不同配答，真係好好好食。其實清朝時我國己有份子食物，依家D鬼佬先攪。

厲老人其中一個女兒移咗民去墨爾本，也開了类似的食店，厲家菜近年也在上海開了分店。

其實我都係食過兩次住家菜，但兩次都是北京厲家菜。這是國寶級食店。