鼎泰豐 – 怡和店

我未在台北食過鼎泰豐本店，尖沙咀分店和上海近新天地的分店就食過幾次，感覺普普通通。鼎泰豐剛在銅鑼灣開分店，今日放工去食吓。我六点去到，大把位。

我叫了一客六隻小籠飽，幾好食有汁。另一碗蝦肉餛飩麵 (佢地寫法係餛飩麵、唔係雲吞麵)，麵普通，D餛飩皮未烚透。連茶和加一，共$111，都幾貴。

佢都有D特別：兩個服務員都是操台灣口音國語 (係咪學咗廸廸尼、國際品牌就可以輸入外勞？)，果幾瓶豉油、醋、辣椒醬，瓶身乾乾淨淨，一般粥麵店、茶餐廳D醬油瓶真係倒胃。