鮨妙

早排看到報刊介紹呢間新開的日本料理店，由一位很有經驗的港人師傅主理，2月23星期六晚，約朋友去試下。

佢地在一座商業大廈的頂樓，客人坐壽司吧台可以看到海景。佢地還有一個小型露台，放了幾將台，客人可以坐下飮酒、傾偈（食煙），看夜景。吧台可坐十二位，吧台後有三位師傅主理。另有四、五張台。

我地各叫不同的套餐，都有好靚的刺身和壽司。

先來三款小食。

刺身中白身魚味較淡，但每款配不同自制相當好味畧酸的汁，好夾。其他赤貝，北海道帶子，北海道葡萄蝦（我好似都係第一次食到，比牡丹蝦爽口，連頭不到六吋，蝦頭的膏也幾好，朋友的餐是牡丹蝦，也不是大的），魚肝，油魽魚（好正），大拖羅（正），

跟著來小量沙律，最特別係無醬汁，上面沈D黑椒末，頗醒胃。

跟著七款壽司，其中最特別係燒呑拿魚魚邊造壽司，好香好肥。

跟著來燒物，自己把和牛片放在熱石上燒，和牛好香好肥，咁樣可以自己試下熟D、生D的不同食味。

朋友的燒物是魚頭，好大份。

顧著食和傾偈，好多樣食物都沒有影相。

幫我地造魚生、壽司的師傅樣子頗年青但技巧相當熟練，一臉認真，不是很多師傅咁偏向多造公關，我很滿意。我如去尖沙咀食刺身、壽司的話，會揀呢間，收費不便宜，但一分錢一分貨、加功夫和心機。

地址 :尖沙咀山林道17-19號山林中心21樓

電話 : 2737 2309