Caprice

早個幾月就訂定2月2曰 ，與朋友到Caprice 吃周末午餐，呢間店連續多年拿米芝蓮三星，我一直未有機會吃，今次沒有失望。

講都唔信，我在門口已聞到食物香味。呢處裝修豪華，樓底高，面對維港海景，加上當日天晴，室內自然光線充足，兼且座椅是皮面的薄梳化，坐下已經極舒服。

我和朋友都叫三道菜的午餐，包一杯菓汁或餐酒。

Amuse Bouche有三小件，全部好味而不是亂 fusion 。麵包則稍為普通。

我的頭盤是日本帶子做的 cappacio ，有幾片極鮮甜。朋友的頭盤是以煙鴨肉做的卷，看似簡單，我吃了一舊，肉薰得香濃，兩個頭盤都好睇好吃。

我的主菜，係法式炒牛腰、牛肝，腰、肝切成半吋方，肝炒得香而不乾，腰爽而無壓味，入面仍是紫色，我照吃可也，印象中豬腰熟咗、入面仍是有點紫色的。我喜歡的西餐必須用料揀手，唔使名貴食材，煑功要考究，無需注重醬汁，這道菜都做到。

朋友的主菜叫龍蝦肉釀鷄卷，比較味淡，所以要有 pat 醬汁。

 

甜品的千層酥，酥層固然酥，有幾片䔧肉，在雪糕上個塊薄脆竟然是䔧味的，伴碟的點點醬，一種是千層酥內的 caramel, chocolate 味，另一種也是䔧味，一個千層酥甜品也很有心思。

總結，亳無疑問，這店絕對值得米芝蓮三星，我很滿意。將 Caprice 和 Robuchon、Amber 比較，各有特色，都是令人吃得很滿意的餐廳。