一蘭

我一向唔識欣賞日本拉麵，唔覺名店出品，跟日本超巿買的即食麵有何分別。既然一蘭來頭咁勁，我也去試下新 X 坑，今早去食個麵做早餐。

我七點幾去到，硬係唔使等位啦，D位真係好窄，我絕對唔係大隻，我膊頭同隔離個客的膊頭只有兩吋空間。

 佢地多多規矩和圖示，當D客係長者申請生果金咁教。我按著佢地D規矩，填表申請了一碗麵。 麵來了，也幾好食，好似日本一丁麵咁好食，D湯幾好味，比日本即食麵的湯好味。 

個麵每客定價$89，但如果要排隊一、兩粒鐘申請，D時間點計？加上交通費，點解唔食日式超巿的特式即食麵？