Brunch @ Blue Butcher

繼續大吃大喝，8月25日與朋友到荷李活道108號的 Blue Butcher 吃 Sunday Brunch，佢地是酒店以外的人氣 Brunch 。

坐下後我要加錢的 Free Flow Prosecco ，侍應拿了樽氣酒來倒給我，我見到個瓶的招紙是英文的，便攞來看，原來是一指澳洲的氣酒，侍應話佢地老細話呢枝就係Prosecco，佢再去問下，卒之攞枝Prosecco 來開給我們。

據地有約十款自助頭盤，主菜五揀一，甜品三揀一。

頭盤中的蝦和生蠔都無味，但其他的各款菜和沙律、現場煎鵝肝都好好食。最特別有一個是把一種好紅色的西瓜（如無記錯係西班牙的西瓜）切成一舊舊立方型，約2吋長、濶、高，好爽好爽，上面舖薄的 Parma Ham，沈咗小小芝士， ham 包住西瓜食，好食又特別。

西瓜+Parma Ham+小小芝士

主菜我叫燒鷄，朋友叫牛肉漢堡飽，兩樣都幾好食。

甜品三種都不吸引，我求其叫朱古力蛋糕，很一般。

總結：沒有意向再來吃 Brunch，生蠔太差，Prosecco最初唔對辨，唯一特別係有2個歌手現場唱英文歌。