Tubino

因為昨日去鳥羽時見駱克駅16-17樓有新意大利餐廳 Tubino，今日同同事們去吃午餐，該店剛於8月8日才開張，個經理說 Tubino 是意大利的一個咖啡品牌，這是香港開的第一家意大利餐廳，遲D在尖沙咀和Soho都會開分店。佢地佔兩層，同鳥羽一樣兩層有自家樓梯相連，這裹有向街大窗，裝飾令人覺得幾舒服。


佢地set lunch 大部分$88, 有湯或沙律，主菜和咖啡茶。我叫的主菜是豬扒，幾好味，有兩位同事叫辣香腸意粉，一位叫三文魚意大利飯，外觀一般佢地話味道ok。

佢地可能新開，每位都送cake和一球雪糕，個經理多次叫我地帶朋友來食。