八戸八食中心

今朝倒塔咁早就坐新幹線由東京到八戸，下午1.15分有酒店的免費巴士從JR八戸駅到"古牧温泉青森屋"酒店。我10点36分就到咗JR八戸駅，為セ呢？
八戸唯一景點就係離八戸駅約10分钟車程的八食中心，呢個係一個大商場，主要灘位都係賣地道海鲜，好多旅游書都有介紹。

最好係場內有一炭火燒烤店，俾D客人買咗海鲜坐响道自已燒烤，成人每位收200円/2小時，飲品可以在售賣机買，我買咗一盤海鮮：2隻大蠔3隻頗大鮮貝２個螺3隻蝦，才1500円，又出於好奇買咗一隻好似紅色外表似橎石榴的不明海产，250円/隻，試吓食shasimi，檔主開了洗淨切成4小件，D肉爽而有D苦。

而家在青森屋，剛浸了温泉，lobby 有wifi可以上網。