倫敦第一日

今天一早從巴黎到倫敦，安頓於酒店後往 Science Museum 看一個關於我行業的展覧，請勿誤會我不能算是科学家。看完後覺得頭赤赤、肚空空，便往華埠名店：旺記食碟楊州炒飯。旺記著名的不是其食品，而是他們的伙記，我真的見過有客入來不按指示坐位，被人粗口問侯。現在伙記已經文明左，但識趣如我者還是按指示坐。但點解總是指我同奇型怪装者坐？影响我食慾。食食吓便諗到唔安排我同靚女坐，因為唔想影响靚女的食慾囉！
想起一個笑話，二個老友同時去世，因為在生時行善所以都一起上了天堂，聖彼得照例向他們講解天堂的規姖，聖彼得說上帝養了很多鵝，你地要小心行走勿踏到D鵝，否則上帝會重罰。一天甲友誤踏死一隻鵝，聖彼得馬上帶著一個醜婦出現，要亞甲取了醜婦作呈罰。自此亞乙更小心走動。一天突然聖彼得帶着個美女出現，叫美女嫁給亞乙，亞乙開心不已，想一是上帝覺他聽話而有賞賜，正想開口感謝上帝，聖彼得馬上說：你唔使咁開心，我叫他嫁你，皆因她剛才踏死了兩隻鵝啫。
我一路吃一路笑，同台食客心里一定暗罵伙記指個傻佬來搭台。
早上在地铁站看見 Carmen 的廣告，原來 London Coliseum 現正上演此歌劇，從旺記出來正好到Leicester Square 的 Ticket Centre 查探，果然有今晚特价票賣，原价83鎊現售44，今晚便去睇卡門啦。
http://www.whatsonwhen.com/sisp/index.htm?fx=event&event_id=169967

在此酒店房用WIFI上綱，慢得淒涼又貴，未來兩天都係去外面Internet Cafe。