曹仁超今日講通縮、倪震同周慧敏係decoupling例子:
進入通縮八大原因 :
唔少人相信全球經濟遲早出現惡性通脹（因美元滙價回落），我老曹只擔心未來進入通縮，原因如下：一、Debt liquidation（減債）；二、利差交易還原（carry trade減少）；三、去槓桿化；四、企業利潤率收縮；五、政府大量介入經濟；六、失業率上升；七、消費信心下降；八、金錢流速下降。上述八大項目，任何一項皆可引發通縮，我老曹仍相信日式經濟將在美國登陸。
恒指漸同道指背馳
今年11月起，恒生指數同道指開始背道而馳（decouple），香港經濟今年11月起又能否漸擺脫美國衰退嘅影響？上一次decouple係1997年8月至98年8月，當年道指仍上升，但恒生指數係咁跌。除受亞洲金融風暴影響外、特區政府推出八萬五房屋政策亦係罪魁禍首。回歸後嘅香港經濟同美國關係十分微妙，好似倪震同周慧敏咁，有時在一起，有時鬧分手；分手不久又再走在一起，最近又再鬧分手。1997年香港主權回歸祖國後情況亦相似，有時同美國手牽手，有時又鬧分手。上次分手係痛苦嘅（1997－98年港股跌到四腳朝天），呢次分手應係快樂（今年11月美股進一步下跌，港股不跌反升）。次按危機主要在美國，如非雷曼兄弟（呢次真係累死兄弟）事件，恒生指數亦冇乜大不了。去年8月恒指亦只有18000點，如沒有港股直通車消息刺激恒指升上32000點，以及今年9月雷曼兄弟事件將恒指推低至10600多點，恒指合理水平在16800點左右。
剪自明報12月4日 :
沒有留言:
發佈留言