米芝蓮指南 – (二)

早幾日在HMV訂咗本，今日面市便去攞，先幾日報紙己經賣哂D星級食府出嚟，咁我諗本書介紹220間食店並包括澳門，都值得買番本。

除咗有星評級的食店，其實書中還推薦很多食店，不妨參考。例如灣仔祥記飯店，我很多時經過但沒有注意到，有機會去試吓。

港澳兩地各有一間三星店 : 香港係四季酒店嘅龍景軒，我未食過。澳門間Robuchon a Galera 我就在過去幾年都每年專程去1、2次，次次都很滿意，以食物質數、服務、環境，價錢係好底。果部麵包車令人暵為觀止，我又喜歡食麵包，一次去，食完再要打包幾款麵包。咁佢攞到三星，我都鄧佢高興，希望以後唔使提前兩個月訂位咁巴閉。不過我估呢間店放在法國本土可能頂多二星啫。

今期飲食男女出特輯，自己選星級食店，仲騎呢，有空至再評。

另外我發現各大酒店的中菜廳佢都推薦！