米芝蓮香港澳門2013

今期米芝蓮給 Pricinpal 和 L'Altro 各一星，好彩早排已經食過，唔係更難訂位，尤其 Principal。最近香港開了不少西班牙 Tapas 或新派西班牙菜餐廳，除了 Principal 就好似一間也未上榜。

Petrus 唔知點得罪咗米芝蓮，星都無。 Amber 保持2星，我認為佢同 L'Atelier de Joel Robuchon 都頂好，fine dining 的環境和服務 Amber 更勝一籌。依家仍未有機會試 Bombana 和 Caprice。

最開心係跑馬地小店彭慶記得到一星，我家人幫趁多年，每次都保持食物高水準，例如炆魚，其他正菜有魚鰾煲（所謂魚鰾是魚腮下連肉的骨）、士多啤梨骨、香妃鷄、炸鷄、釀蟹鉗等等，用料新鮮無味精，連冷盤的海哲也好食。可惜店很細，坐位窄，食得好趕。門口常有人等位和買外賣，我估佢外賣佔三位一生意。伙記常坐的士送外賣，勁。佢地的蛇羹特別好，因為佢識煑，湯底夠味。蛇店可能有材料但不會煑，果間蛇王二只是一碗漿糊加D肉。 Openric 2013米芝蓮香港澳​門指南