鮨処光

因為看了別人的推薦，已經很久, 想到天后的這間魚生壽司店。卒之12月1日晚，與朋友往試下。

我們八點去到，場內空無一客。坐下後主廚不斷推介各款時令海鮮，包括剛蒸熟的北海道蟹。壽司吧台前有一大堆魚包括喜知次、大螺，果兩隻大螺仲活的，真係想食番隻。

我們叫了一盤魚生，有8、9款：包括蝦、帶子、貝、蜆肉、白身魚、中拖羅，全都好鮮味。

跟著一份12件的自選壽司，我們揀了十件包括海膽和蟹膏，但每種只能點一件，因為我話喜歡食白身魚所以剩下兩件由主廚揸主意揀二種白身魚造壽司。全部都ok,尤其果幾件呑拿魚腩加了很香的䓤碎，很好很好食。

最後的蝦天婦羅就麻麻。甜品也不吸引，慳番。

此店走高質高銷費路線，到我們吃完走人才只有另兩客人，不知 weekdays 是否旺場，唔係點保持常常有新鮮貨供應呢？

我認為食物算物有所值，想食好嘢不能慳。