千里之月

早幾日去鮨処光食完，朋友從網上找到鮨処光的主廚以前在呢間千里之月做過。咁我又未在千里之月食過，佢樓上的湖舟、樓下的伊呂波就食過 n 次，今日便訂位去試下食午餐。

我一個人12點20分到，場內一便是食桌，一便是壽司吧，吧枱有12個位，吧枱的一端坐了一男一女客人，已經在吃魚生，女客貼牆坐，第二坐位便是男客。女侍應指示我坐該男客人旁，我感到奇怪，點解其他9個位空著，我問她可否坐空著的位，她說全部位訂咗！因為我一個人，仍未來的客人，大慨也不是九個客是同一批客或全部指定坐位吖？佢継續堅持D客是訂咗位，只係將張椅移離個男客少少俾我坐！卒之我一點鐘食完，果九個位仍是空的，呢個女侍給老闆倒米，把我這個客人攪慶，永不再來。

講番食物，午餐有自選壽司10件、12件及15件。我選12件（$250 加10%），好處係每款最多可揀兩件，別家通常每款只可揀一件，咁D壽司的材料確係好，250蚊12件喎，貴過湖舟、壽司廣，但的確平均好過後兩間，飯雖然粘但太硬。

未見過高級壽司店在吧枱上放盒紙巾。 總之以後唔會嚟。