RECH

今次歐洲假期的第一站是巴黎，第一餐（9月13日午餐）訂了Alain Ducasse 系的海鮮餐廳 RECH。
佢地餐牌有幾款海鮮盤，也有零點的蠔、蜆、龍蝦等等，我就選了三度菜的 menu，每度菜有兩款選擇。
佢地的 wine list 不大，都是每主要酒區的紅、白、rose 各一兩款，我叫了一杯 Condieu ，沒有花香果香，可能我唔夠瞓，鼻覺差。入口就唔錯，唔dry。
頭盤我叫龍蝦凍湯，先把一喲龍蝦仔的肉和伴菜放碟內上桌，另一侍應手捧一小煲湯來畢入碟內，濃味好濃應該係用足龍蝦仔連殼煲成。

 

主菜是一種 Provence 的魚，肉質像鱸魚，成舊厚厚的不知是煑定蒸熟，味淡也唔腥，最特別係有熟的蜆仔、螺和青口各二隻伴碟，我成碟食清，我最唔鍾意食完塊肉仍有一堆配菜和一灘醬汁。跟主菜有一杯 creamy 醬和幾片多士伴隨。

甜品我點了桃餅伴雪糕，普普通通。
店子有兩層，食完到樓上洗手間才見到一個半開放式廚房。餐廳門口屋簷下放有三四張餐桌，客人可以邊吃邊抽煙。我第一次見到法國人（起碼佢唔似美國人，同桌朋友也用法式禮儀）用可樂鎹法國菜。
總結，食物質素、煑功、 prsentation ，招呼都好。啲嘢都幾貴，可能離凱旋門不遠，客人很多是生意人，和有閒階級約朋友午膳的地方。